通訊
年報
見證集
成了一台戲
《板間人生》攝影集
報導 / 專欄訪問

拯救無家者(上)Issac 阿恩 阿選

香港的住屋問題一向為人詬病,近年大家可能常常講劏房,其實90年代初,不少香港人的居住環境已相當惡劣。當其時深水埗籠屋就曾發生過一場大火,不幸釀成7死49傷。而基督教關懷無家者協會,就致力幫助露宿者及住在籠屋、板間房等無家可歸的人士。今集《靜默的革命》請來該協會的事工Issac Mo和阿恩,還有其中一位受惠的「無家者」阿選。

籠屋環境當然惡劣,有時候更是成家人住進一個籠子裏,環境很狹隘。縱然大火之後政府實施了籠屋管制,但板間房、劏房等仍然存在於社區,曾住過4、5年板間房的阿選表示:「我嗰時畀$1,500,有一張牀住、一個櫃、一個茶几仔,廁所廚房係共用嘅,間屋冇走火通道,道牆又好似蜜蜂竇,因為好多木虱,等人瞓咗覺就咬你,但包租公係唔會理。」

協會當然沒有能力幫全部無家者「上樓」,但事工會去作恆常探訪,有時會去大廈「洗樓」,不過收到的反應兩極,有人會覺得被騷擾、有人則很開心,阿恩說:「一種我哋冇接觸過,會唔係好受歡迎,佢哋會覺得『唉,你幫唔到我㗎喇。』有啲就連門都唔開,因為一間屋有好多人,唔知搵邊個,又驚係入境處、又驚係追數。加上佢哋冇乜私隱度,去個廁所都要鎖住房門,所以係好冇安全感。」但有另一種「老友記」,則與事工感情深厚,會期待他們到來,擔定櫈仔準備一起聊天。所以,阿恩通常都會逐家逐戶敲門打招呼,盡可能讓大家都認識他們,也會盡量小聲說話,建立關係之餘,亦避免造成滋擾。

報導來源:www.metrodaily.hk/metro_news/拯救無家者(上)issac-阿恩-阿選/